A、 打手語打交道!

kk bookcoverA

唔好成日話我學手語為何進步咁快!

係街上遇上我的學生,他是聾人,一直用手語溝通,以前他一直用手語加唇讀與我溝通,而且故意放慢動作,讓我容易明白他的意思,而我就用慢動作的唇讀,或者用電話打文字給他看,雖然我們一樣係聽障,但是我們溝通有點兒困難的…

但今次我得到老師的教導,而且每次同他見面都會打手語練習練習,還有每逢星期三上佢的堂,因此我只是係短短3個月裡已經學習了不少生詞,因此我就自然用手語與他談話…

他起初見到我手語,不禁驚訝起來,話我為何打手語咁熟練,我就話係老師教我手語,仲問佢識唔識老師,起初佢話唔識,後來我告訴他老師曾推出一本書,藍色的,他才明白就係老師教我手語,呵呵!

原本佢畢業後一直係沙田打工,後來公司關閉他才去旺角打工,係上星期開始打工,所以我地係旺角見面,幾好喎,而且佢剛剛放工,我也打算回家休息,結果搵間地方坐下邊打手語邊喝東西,佢就告訴我佢打工的情況,仲問我何時有空,教佢中文和英文增進自己。我告訴佢有些聾人中心會提供中文和英文的課程,仲有手語翻譯,可以學習喎,原來佢以前有報過明愛提供的課程,但係可能佢反應有點兒慢,所以追不上課程的進度,結果學不到東西,還浪費錢,因此他要求我替他私人補習,學下中文和英文。我就告訴佢我9月份開始返學返工,抽不到時間教下佢,真係同佢講聲唔好意思。

沒想到佢告訴我,還有幾個學生還沒忘記我,而且仲想找我聯絡的方法,原來他們曾寄好多次電郵給我,係喎,以前我的電郵係yahoo,後來為了配合工作,才改用gmail,至於yahoo我已經有幾個月沒開電郵了,上星期因為yahoo相簿搬家我才順應開個mail,有五千幾封信未看,不過我都無心機看,由得佢堆積如山啦!後來我就給他我的名片,告訴佢我三年前已經換左電郵地址,真係唔好意思架!

其實呢,我的手語仍在渡過期,有時好接近的手勢例如地點和灣仔,解釋和宣傳,白痴和思考,自己和會員等等,我經常搞亂架!不過好過以前啦!以前我老是把七和八搞錯,有時把星期,月份,年份都亂成一團的!其實學手語係要多練習,死記梗沒用架,最好把學過的東西忘了吧!我發覺原來我自己由心裡打手語覺得好自然的,因為上次上堂時老師叫我地照著紙上的文字來打手語,我因為一直集中係文字上的意思,結果打手語亂七八糟,連自己說甚麼都唔知,原來照著紙上的文字打手語真係有點兒困難,就像我係照著書上的文字讀出來,不但悶親自己,連自己做甚麼都唔知架!

不過我覺得自作聰明似的,當老師教「爆」三個不同的手勢和意思,好像忘記其他手勢,我就幫佢加料,放屁啦,肚疴啦,火箭等等…覺得自己係白痴似的,其實老師私下有教我這個手勢,不過佢好快會忘記哂,我就幫佢記下東西,真係一個人肉筆記簿!哈哈哈哈!

(完)

(內容來自我係聾人,我有話講

 

備註:點擊這裏可以繼續瀏覽作者 Kong Wan Ki 在本網站内的其他作品

 

This entry was posted in 杂文.

发表回复

您的电子邮箱地址不会被公开。 必填项已用*标注

此站点使用Akismet来减少垃圾评论。了解我们如何处理您的评论数据